ភ្នំពេញ ៖ ក្មេងប្រុសម្នាក់ ក្រោយហូបបាយរួច ម្តាយក៏វិលទៅធ្វើការរោងចក្រ ស្រាប់តែកូនប្រុស បបួលគ្នាជាមួយក្មេងក្នុងភូមិចំនួន៥នាក់ ទៅងូតទឹកស្រះលេង ជាអកុសលលង់ស្លាប់ ចំណែកក្មេង៤នាក់ទៀត រត់ឡើងគោក ស្រែកហៅអ្នកភូមិឱ្យជួយ កាលពីវេលាម៉ោង១២ថ្ងៃត្រង់ ទី០៦ ខែមិថុនា ឆ្នាំ២០២៦ នៅស្រះទឹកមួយកន្លែង ក្នុងភូមិស្រែជម្រៅ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
ក្មេងប្រុសរងគ្រោះឈ្មោះ គង់ សុខសាន្ត អាយុ១៥ឆ្នាំ មានម្តាយឈ្មោះ សុិន ណារី អាយុ៥២ឆ្នាំ មុខរបរកម្មការនីរោងចក្រ ជាស្ត្រីមេម៉ាយកូន២នាក់ ប្រុស១នាក់ ស្រី១នាក់ ក្មេងប្រុសរងគ្រោះជាកូនពៅ មានទីលំនៅបុរីសន្តិភាព២ ភូមិតំណាក់ត្រយឹង សង្កាត់ចោមចៅទី២ ក្បែរកន្លែងកើតហេតុ ។
តាមសម្តីស្ត្រីជាម្តាយបានឱ្យដឹងថា កាលពីវេលាម៉ោង១១ព្រឹក ថ្ងៃទី០៦ ខែមិថុនា ឆ្នាំ២០២៦ គ្រាដែលចេញពីធ្វើការ មកផ្ទះហូបបាយទឹកជាមួយកូនប្រុស លុះវិលទៅធ្វើការងារវិញ នៅវេលាម៉ោង១២ថ្ងៃត្រង់ ស្រាប់តែអ្នកជិតខាងទូរស័ព្ទប្រាប់ថាកូនលង់ទឹកស្លាប់ទៅវិញ ពេលមកដល់ ពលរដ្ឋស្រង់ឡើងគោករួចបាត់ទៅហើយ ។
តាមប្រជាពលរដ្ឋបានឱ្យដឹងថា មុនកើតហេតុ ឃើញក្មេងប្រុសមានគ្នា៥នាក់ ចុះលេងទឹកស្រះ ស្រាប់តែមួយសន្ទុះ ក្មេង៤នាក់ទៀតស្រែកឆោឡោឱ្យអ្នកជិតខាងជួយ ទើបពលរដ្ឋអ្នកភូមិរត់ទៅចុះស្រង់ តែហួសពេលទៅហើយ បានស្លាប់បាត់បង់ជីវិត ។
ករណីខាងលើ សមត្ថកិច្ចមូលដ្ឋាន នឹងសមត្ថកិច្ចជំនាញ ចុះទៅពិនិត្យកោសល្យវិច័យ រួចបានប្រគល់សពជូនក្រុមគ្រួសារ យកទៅធ្វើបុណ្យតាមប្រពៃណី ៕( និពន្ធដោយ ស៊ន រតនា )
ករណីខាងលើ សមត្ថកិច្ចមូលដ្ឋាន នឹងសមត្ថកិច្ចជំនាញ ចុះទៅពិនិត្យកោសល្យវិច័យ រួចបានប្រគល់សពជូនក្រុមគ្រួសារ យកទៅធ្វើបុណ្យតាមប្រពៃណី ៕( និពន្ធដោយ ស៊ន រតនា )
